كلمات اغنية المسلة رامى عصام
افتحلى عيون التليفزيون ..خليه يسمعنى و انا احكيله
إسمع م القهوة كلام موزون .. من واحد أدرى بحال جيله
الفرعون ابو كرش اتنكر .. وإدانا قفاه مجلس عسكر
أصدر فرمان نبنى مسلة .. للشعب المصرى المتهور
لو تسأل أى مواطن فات
على مطرح هل شفت مسلات
هيقولك انا حاسس بيها
مسلة 2012
والكهنة اجتمعوا فى جماعة .. وبقى ليهم منشور و إذاعة
بيسيبوا العلة و الفولة .. ويروحوا يحجوا فى بتاعة
و الريف لسة نايم متسلطن .. وموبايله الصينى قاعد يرطم
بيعشى عياله حكاية الغول .. والفول و العيش المتسرطن
لو تسأل أى مواطن فات
على مطرح هل شفت مسلات
هيقولك انا حاسس بيها
مسلة 2012
و ده عامل طالب ثورى جريح .. هما الواقفين فى الصف صحيح
و الأمن بيبنى جدار عازل .. ومطلع للبلطجة تصريح
واهى فاتت 2011 .. فوق رقبة 212
و أدى حزب الكنبة المتفائل .. مستنى الخير فى 2013
لو تسأل أى مواطن فات
على مطرح هل شفت مسلات
هيقولك انا حاسس بيها
مسلة 2012
ليست هناك تعليقات:
إرسال تعليق